Ассалому алайкум! Алҳамдулиллаҳ ,турмушга чиққанман. Битта ёшига етмаган фарзандим бор. Турмуш ўртоғим билан муносабатларимиз яхши. Лекин қайнота қайнонамнинг муносабатлари рисоладагидек эмас. Баъзан улар ўртасидаги тортишув бизнинг ҳам орамизда совуқчилик тушириб қўяди. Қайнотам жудаям инжиқ. Доим уларнинг ҳоҳишлари амалга ошиши керак. Уларнинг айтганларини бажараман деб, баъзида эримни айтган ишларини қилишга улгурмай қоламан. Кейин эр-хотин кўп урушиб қоламиз. Ўзи намозхон одам, лекин тушунишни истамайди. Қандай йўл тутишни билмай қолдим. Илтимос маслаҳат беринг. Ўзим ҳали талаба ман. Ўқишим бор.
– Ва алайкум ассалом! Турмушга чиққач то шу оилага мослашгунича келинга 1 йилдан 5 йилгача вақт керак бўлар экан. Сиз ҳам секин-аста мослаша борасиз иншааллоҳ. Қайнотангизнинг асаби ёмон одам бўлса демак асабийлаштирадиган оғир вазиятларга кўп учраган, тақдири аянчлик бўлган. Бу нарсани тўғри қабул қилишга ҳаракат қилинг.Турмуш ўртоғингиз урушган вақтида ҳам аввал индамай турингда ўзига келиб қолганида сизга нисбатан сабрлик бўлишини, ҳақиқатдан ҳам ишингиз кўпайиб кетганини ётиғи билан тушунтиришга ҳаракат қилинг. Эркак киши оқил инсон. Ҳаммасини тўғри қабул қила олади. Уйингизда оила аъзоларингизга кўпроқ суннатга мувофиқ табассумлик бўлиб юришга ҳаракат қилинг. Чунки сиз кимга табассум қилсангиз ўша одам ҳам сизга жавобан табассум қилади. Оилада эса шод-ҳуррамлик пайдо бўлади. Валлоҳу аълам!
