Ассалому алайкум! Хадислардан биламизки тилла ва кумуш идишлардан ейиш мумкин эмаслигини,саволим шуки,хозирги даврдаги замонавий (мисол учун "Богема") тилла ранг сепилган идишлардан овкат ейиб ,ичиш мумкинми? Жавоб учун олдиндан рахмат!
– Ва алайкум ассалом! Фуқаҳоларимиз: “Соф тилло ва кумуш қошиқларда таомланиш ҳаром” деб айтганлар. Мумавваҳ (тилла суви юритилган бўлиб, ажратиб олишни имкони йўқ) бўлса жоиз дейилган.
وأما الأواني المموهة بماء الذهب والفضة الذي لا يخلص منه شيء فلا بأس بالانتفاع بــها في الأكـل والشــرب وغــير ذلـك بالإجماع…لأن التمويه ليس بشيء ألا يرى أنه لا يخلص بدائع الصنائع
Эритгани билан тилло-кумуши ажрамайдиган даражада тилло ёки кумуш суви юритилган идишларда еб-ичиш ва бошқа ишларда фойдаланиш билижмоъ жоиздир. Чунки тамвиҳ(идишларга тилло ёки кумуш сувини юритиш) эътиборли нарса эмас. Кўрмайсизми, у тилло-кумушларни қайта идишдан ажратиб олиб бўлмайди. (“Бадоеъ саноъий” китобидан).Валлоҳу аълам!
