Ассалому алайкум! Ассалому алейкум 3 ёшли қизалогим бор. Чақалоқлигида асраб олганмиз. Аллоҳнинг марҳамати билан кўкрак сути билан эмизганман. Шариятга кора унга ҳақиқатни айтишимиз шарт. Буни қачон ва қандай айтсак бўлади? Қалбини яралаб қойишдан қорқамиз
– Ва алайкум ассалом! Машааллоҳ. Жуда зўр иш бўлибди. Аллоҳ ажр-мукофотларини улуғларидан берсин. Албатта болага ҳақиқатни билдириш шариатимизнинг талаби ҳамда психикасига катта фойда. Негаки катта бўлгач буни билса психикаси талофот кўриши турган гап. Агар болага гап тушуниши ва саволларни беришни бошлаганида бу ҳақиқатни билдирсангиз унинг онги буни тўғри ва табиий қабул қила бошлайди. Катта бўлганида ҳам на ўзини ва сизларни қийнамайди иншааллоҳ. Бола “Мен қаердан пайдо бўлганман” дея савол бера бошлаганида “Сени бизга Аллоҳ марҳамат қилиб берди. Барча болалар фалон фалон йўл билан ота-онасининг уйига келиб қолса, сенга Аллоҳ мўжиза кўрсатиб бизни неъмат қилиб биздек ота-онани лозим кўрди ва бизга ҳам неъмат қилиб сени бизга совға қилиб берди” каби гаплар билан тушунтирсангиз бўлади. Ҳар гал шу ҳақда савол берса очиқ-ойдинлаштираверинг ва “Биз сени шу даражада яхши кўрамизки ҳеч қайси ота-она ўз фарзандини бунчалик яхши кўрмаса керак” каби гапларни қўшиб қўяверинг. Болага иложи борича дўстоан муносабат қилишга ҳаракат қилинг. Валлоҳу аълам.
