Ассалому алайкум! Хурматли сайт аъзолари Аллох ишларингизни баракотли килсин.Саволим:Агар эркак киши имкони булиб туриб оиладаги камчиликларни бартараф этишга шошилмаса масалан деразаларга панжара килинмаса болаларнинг осилиб караб тушиб кетиш хавфи бор.яна шундай зарурий оилада килиниши керак булган ишларга пул ажратишни хохламаса лекин бунга имконияти бор.Бундай холатларда аел кандай йул тутиши керак.
– Ва алайкум ассалом! Эркак киши билан гаплашишни ўрганиш лозим. Яъни сизнинг гапингиз инобатга олинмаётган бўлса демак қилаётган муносабатингизга ўзгартириш киритиш керак. Яъни аёл киши эркак киши билан бирон масалани ечишни хоҳласа ёки унга илтимоси бор бўлса гапиришдан олдин эркакнинг қорни тўқлигига, уйқуси сифатлик бўлганига ва тунги хизматлари адо этилганига эътибор қилингани маъқул. Бундан ташкари ижобий натижага эришишда аёл кишининг ўз интонациясига эътибор қилиши катта роль ўйнайди. Интонация шундай булиши керакки гўё аёл киши талаб қилаётгандек ёки танбеҳ бермоқчидек ва зинҳор ақл ўргатмоқчидек эмас, балки юмшоқлик билан илтимос қилмоқчидек бўлиши керак. Кайсарлик килмай, “мен”, “мен хоҳлайман” каби сўзларни ишлатмай, ҳар қандай хафа бўлиш эмоцияларини аралаштирмай, меҳр тўла кўз билан боқиб, икки меҳрибон киши гаплашгандек гаплашиш керак. Иншааллоҳ шунда эркак киши аёл кишининг гапларини инобатга ола бошлайди. Албатта сиз юқорида айтган ҳолатларни одил ва доно эркак ўзи билиб билиб бажаради. Чунки у ўзининг вазифаларини яхши ажрата билади. Аммо аксарият ҳолатларда бу каби вазифаларнинг бажарилмаслигига сабаб ўша эркакнинг ўсган муҳити ва олган нотўғри тарбияси ёки аёлининг феъли, муносабати унга яхши бўлмаганида бу каби илтимосларини бажаришни хоҳламаслиги сабаб бўлади. Валлоҳу аълам.
