Ва алайкум ассалом! "Карма" сўзи буддизм ва индуизмдан олинган сўз бўлиб, инсоннинг ўз ҳаёти давомида бажарган ижобий ҳамда салбий хатти-ҳаракатларининг, қилиқларининг йиғиндиси ва буларнинг оқибатида шунга яраша тақдир берилиши ҳамда қайта туғилишида, яъни реинкарнациядаги туғилишида бошқа формада, нафақат инсон, балки бирон қуш, ҳайвон тусида бўлиши тушунилади. Шариатимизда бундай нарса йўқ. Бу каби гаплар ботил ҳисобланиб, бундай эътиқод Одам алайҳиссаломдан Муҳаммад алайҳиссаломгача ўтган барча анбиёлар иттифоқ қилган эътиқодга зиддир ва динимиздан чалғиб қолишга сабабдир. Валлоҳу аълам
