Ассалому алайкум ва роҳматуллоҳи ва барокатуҳ. Аллоҳ менга яна она бўлиш бахтини насиб этди. Бешинчи фарзандим. Ҳомила беш ҳафталик. Оз-оздан қон кетди. Гинекологга кўриндим. У бу кичкина муддатда қон кетса, болага таъсир қилади, инвалид бўлиб қолади, ундан кўра аборт қилиш керак, деди. Аммо УЗИ мутахассислари болани юраги яхши ураётгани, қимирлаши ҳам яхши экани ҳақида маълумот беришди. Мен юраги ураётган боламни аборт қилдиришни истамайман. Сиз қандай маслаҳат берасиз?
Мен охирги ҳайз қонини 3 ноябрда кўрганман, лекин УЗИда бола беш ҳафталик дейилмоқда. Турмуш ўртоғим 16 ноябрда Россияга ишга кетган. Бошқа УЗИга тушсам, бола ўсмай қолган, деди. Она бўлишни истайман, аммо... Нима қилсам, тўғри йўл тутган бўламан?
Ва алайкум ассалом. Акушерлик календари бўйича ҳисобланганда ҳомиланинг ҳафтаси шу кунларда 8 ҳафталик бўлиши керак эди. Қон кетиши сабабини аниқлаш шарт, у гестаген гормонлар етишмовчилигидан ҳам бўлиши мумкин. Бу ҳолат инвалидликка сабаб бўлмайди. Гормонал препаратлар билан коррекция қилинса бўлади. Агар антифосфолипидный синдром бўлса, унга ҳам даво курсини ўташ керак, кўрганингиздек аниқ сабабини билмай туриб бу масалага ечим топиш қийин. Агар боланинг юраги ураётган бўлса, иккита УЗД икки хил хулоса бераётган бўлса, Тошкентдаги Феруза массивида жойлашган ихтисослаштирилган муассасага ‒ Акушерлик ва гинекология ИТИга мурожаат қилиб, чуқурлаштирилган тиббий кўрикдан ўтишингиз керак.
