– Ва алайкум ассалом! Пайғамбаримиз алайҳиссаломнинг умрларини ўқиб, ўрганиб чиқинг. У зотга ҳам онсон бўлмаган. Ишонган инсонларининг ҳар бири ҳам у зотни гапларини эшитиб дарров иймон келтиравермаган. Шундай зотга қанча изтироб, қийинчиликларни етказганлар ўша давр одамлари. Мусулмон инсоннинг ҳаёти бир маромда, фақат осуда, фақат хотиржамлик ва роҳатдан иборат бўлавермайди. Ундай бўлса инсоният аллақачон ғафлатда бўлиб ривожланмай, илм олмай қолиб кетарди. Инсон сиз каби изтироблар, қайғу аламлари орқали Яратганга янада саждани кўпроқ қиладиган, илтижо ва дуоларида бардавом бўладиган бўлади. Ҳамда бу дунё синов дунёсику. Ҳеч ким роҳат учун туғилмади. Қилган амалларига, сабрларига яраша инсоният жаннат ва дўзахга ажратилиши барчага маълум. Шу сабаб ўксинманг. Илмларингизда давомли бўлаверинг. Бир оз вақт ўтиб қайнонангиздан ҳам куч кетгач, сиз эса яхшиликлар қилаверсангиз албатта сизга нисбатан фикрларини ўзгартиради. Яхшиликларингизда бардавом бўлаверсангиз, ичингизда адоват бўлмаса, кечирим сўрашларига ҳам аминман ин шаа Аллоҳ. Валлоҳу аълам!
