Қазо намози

15:29 / 05 май | Dono Abdullayeva | 273
Ассалому алайкум! Одина опа Мен бугун Билимсизликнинг шифоси савол номли китобингизни ўқиб чиқдим. Китобда қазо намозлар ҳақида берилган саволларга жавобларни ҳам билиб олдим ва Қазо намозларимни ўқишга аҳд қилдим. Мени ҳам 10 11 йиллик қазо намозларим бор. Агар тўғри тушунган бўлсам Бомдод намозини ўқишга турганимда қазо қилган 5 вақт намозимларимни фарзларини ўқиб олсам бўладими? Буларни бомдод намозида олдин ўқиманми ёки кейинми? Қазо намозларига қандай нийят қиламан? Кейин намозларни фарзлари қандай бўлса шундай ўқийманми? Агар қачон намозни қазо қилганини билмаса нафл намози каби 3 4 ракатда замонавий сура ўшиб ўқилади дейилган экан. Мен қандай қилиб ўқисам тўғри бўлади. Бу ҳақда муслимат.уз сайтидан қидирдим саволлар бор экан лекин берган жавобларингиздаги линк ни босам Нот фоунд ёзуви чиқяпти. Илтимос менга бу ҳақда тушунтириш берсангиз. Аллоҳ илмингизни зиёда қилсин
Одинахон Муҳаммад Юсуф:

– Ва алайкум ассалом!

https://savollar.muslimaat.uz/savol/2909

https://savollar.muslimaat.uz/savol/145

Бисмиллаҳир Роҳманир Роҳийм «Фатавои оламгирия» китобида ёзилишича, агар ўқилаётган қазо намоз тайинли бўлмаса, тўртала ракъатида ҳам зам сура қилинади. Агар маълум намознинг қазоси ўқилаётган бўлса, тўрт ракъатли фарз намознинг фақат икки ракъатидагина зам сура ўқилади. Валлоҳу аълам.

Бир одамнинг ўқилмаган қарз намозлари бор. Аммо қайси ва қанча намозни қазо қилганини аниқ билмайди. Мана шу ҳолатда тайинли эмас ҳисобланади. Шунинг учун қазони нафл каби ўқийди ва ҳар ракъатига зам сура қўшади. Нафл намоз қазо намозларнинг ўрнини тўлдириб юборади. Аввалги икки ракъатгагина зам қилиб ўқиган намозлари фақат тўрт ракъат фарз ўрнига ўтиб, бошқаларига ўтмайди. Шу сабабдан ҳар ракъатга зам қўшилади. Аммо қачон, қайси ва қанча намозни қазо қилганини аниқ билса, мисол пешин ва хуфтоннинг фарзи каби, унда тўрт ракъатли намознинг аввалги икки ракъатига зам қўшади холос. Валлоҳу аълам.