Поклик даврида ғусл

13:03 / 16 май | Munisaxon | 83
Ассалому алайкум! Аёл мўтабар зот китобидан саволимга жавоб топа олмадим. Ҳайз тугагач ғусл қилинишини биламиз ва ундан кейин яна қачон ғусл қилиш кераклигини билолмаяпман. Сариқ суюқлик дейилади лекин менда базида ҳаммаси сариқ туйилаверади ажратолмай жуда хунобман. Сариқ суюқлик ҳам 2 3кун кетма кет доимий келиб туриши мумкинми? Агар шунақа бўлса нима қилиш керак? Мен ҳайздан кейинги поклик даври учун ғусл қилишни умуман била олмаяпман. Жавоб учун катта раҳмат.
Одинахон Муҳаммад Юсуф:

– Ва алайкум ассалом!

САВОЛ: Ҳайз қони неча хил рангда бўлади?

ЖАВОБ: Ҳайз қони олти хил рангда бўлади. «Ҳайз олти рангдан бирида бўлади: қора, қизил, сариқ, лойқа ранг, яшил, тупроқ ранг. «Ниҳоя»да шундай келтирилган.  

САВОЛ: Бундан ташқари, аёллардан оқ рангдаги суюқлик ҳам келади. У ҳам қон ҳисобланадими?  

ЖАВОБ: Ҳайздан кейин келадиган оқ суюқлик ҳайз тўхтаганининг аломати ҳисобланиб, у ҳайз деб ҳукм қилинмайди. «Ҳайз кунларида аёл киши токи соф оқ нарсани кўргунича қизил, сариқ, лойқа рангли нарсани кўрса, ҳайз саналади». 

Покликнинг қисмлари

САВОЛ: Поклик неча қисмга бўлинади ва улар қайсилар?

ЖАВОБ: Поклик икки қисмга бўлинади: тўлиқ ва нуқсонли поклик. Тўлиқ поклик – ўн беш кун ёки ундан ортиқ бўлган покликдир. Нуқсонли поклик – тўлиқ покликдан оз, яъни ўн беш кундан оз покликдир.

 САВОЛ: Икки ҳайз ўртасидаги поклик муддати қанча бўлади?

ЖАВОБ: Икки ҳайз ўртасидаги поклик муддати ўн беш кун бўлиб, кўпининг чегараси йўқ. «Покликнинг энг ози ўн беш кун бўлиб, кўпининг чегараси йўқ. Ҳатто у бир ёки икки йилга ҳам чўзилиши мумкин. Маълум бир муддат билан белгиланмайди. Лекин қон тўхтамай давом этса, поклик муддати белгиланади».

(“Аёл мўътабар” китобидан)

  Валлоҳу аълам!