Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Ассалому алайкум!
«Muslimaat.uz» сайти ходималари сиз, азизаларга туҳфа ўлароқ, ажойиб ижодкор, гўзал қалб соҳибаси, халқимизнинг суюкли шоираси Турсуной Содиқова билан суҳбат уюштирдилар. Суҳбат давомида айнан бизга, мўмина аёл-қизларга керакли бўлган маслаҳатлар, ўзбекона маданиятимиз, миллий анъаналарга кўра эр ва хотин муносабатлари, ўзаро ҳурмат каби мавзулар тилга олинди. Суҳбат шу қадар қизиқ бўлдики, унда нафақат она ва фарзанд муносабатлари, аёлларнинг сир-асрорлари, балки бошқа кўплаб мавзулар ҳам тилга олинди. Суҳбатнинг батафсил матнини яқин кунларда сайтимизда ўқишингиз мумкин бўлади. Лекин энг муҳими: қизғин суҳбат асносида муҳтарама мухлисаларимизга ажойиб янгилик етказишга муяссар бўладиган бир воқеа ҳам бўлиб ўтди. Яъни энди сиз ўзингизни қизиқтирган барча саволларингиз билан «muslimaat.uz» сайти орқали севимли ижодкоримиз Турсуной Содиқовага мурожаат қилишингиз мумкин!
манзил: mailto:tursunoy_sodiq@mail.ru
