Фақат ҳаж ва умра учун мўлжалланган дунёдаги илк ҳаво йўллари бренди иш бошлади
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Malaysia Airlines (Малайзия ҳаво йўллари) ҳаж ва умра зиёратларига йўл олган жануби-шарқий осиёлик мусулмонлар учун дунёдаги биринчи махсус хизматни йўлга қўйди.

“Биз йиллар давомида айнан шу соҳада ишлаб тажриба орттирганмиз. Мақсадимиз бутун АСEАН мамлакатлари мусулмонлари учун ҳаж ва умра зиёратларига мўлжалланган сифатли ҳаво транспорт тизими ва инфратузилмасини йўлга қўйиш”, дейди Малайзия авиация гуруҳи раҳбари капитан Изҳом Исмоил.

“Амал” (“Умид”) деб номланган ушбу янги хизмат мусулмон йўловчилар учун фақатгина ҳаж ва умра зиёратларига хос рейсларни таклиф қилувчи дунёдаги биринчи компания ҳисобланади.

Малайзия ахборот агентлиги Бернамага кўра, “Амал” келаси икки йил ичида мамлакатдаги ҳаж ва умра зиёрати бозорининг 60% қисмини эгаллаш ниятида. 

“Ҳожиларимизнинг ажойиб саёҳатларини ташкил қилишда ҳисса қўшиш биз учун шарафдир. Биз тажрибаларимиз ёрдамида “Амал”ни сифатли зиёрат рейсларини таъминлайдиган дунёдаги энг яхши хизматга айлантирамиз”, дейди Ҳилмий Салаҳуддин.

Макка ва Мадина мусулмонлар учун ўзига хос манзил бўлиб, уларга йилига 3 миллион мусулмон диний амалларни бажариш учун ташриф буюради. Саудия Арабистони Умумий Статистика Қўмитаси (GAStat)нинг ўтган ойдаги ҳисоботига кўра, охирги 25 йил ичида Макка зиёратчилари сони 53.928.358 ни ташкил қилган.

Мавзуга оид мақолалар
Касалхонада бир хонада икки қария ётар эди. Иккаласи ҳам оғир касал бўлиб, бирига кун бўйи фақат бир соатгина давоми...

07:49 / 05.03.2017 5602
Албатта, бунинг учун кечаси камида тўрт соат ухлаган бўлиш лозим. Чунки уйқудан янги турганда инсон онги дам давоми...

21:31 / 11.07.2023 2123
Рамазон ойингиз унумли, тартибли, савоб амалларга бой ва гўзал ўтиши учун эътиборингизга Рамазон давоми...

10:25 / 30.04.2019 14849