ҚУРАЙШ СУРАСИНИНГ ФАЗИЛАТЛАРИДАН БИРИ
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Айюб Сабри Пошо "Миръотул Ҳарамайн" китобида Шайх Аҳмад Духонийдан ўша пайтда Маккаи Мукаррамада тарқалган вабо ўлати ҳақида шундай нақл қилади:

"Бундан бир муддат олдин Маккаи Мукаррамада ғоятда даҳшатли вабо касаллиги тарқалди. Хоҳ ҳожилар бўлсин, хоҳ аҳоли бўлсин йўлда юриб кетаётиб ҳам  тўсатдан йиқилиб вафот этишарди. Жасадлар кўплигидан йўлларда юриш, Масжидул Ҳаромга бориш имконсиз бўлиб қолди. Касаллик  кўпайиб ниҳоятда даҳшатли тусга кирган кунларда мени ҳам қўрқув, ваҳима қуршаб олди ва намозларимни уйда ўқишга қарор қилдим. Лекин аср намозини ўтказиб юбормаслик учун Ҳарами Шарифга бордим ва намоздан кейин Сафо эшигидан чиқиб зўрға, қийналиб Сафо тоғи этакларигача юриб бордим. Йўлнинг икки четида бир қанча кишилар чўзилиб ётар, мурдалар туфайли сайъ қилиш имконсиз эди. Жасадлар кўплигидан чўчиб олдинга ҳаракат қилолмай, жонсиз жасад каби Сафога суяниб қолдим.

Бир муддатдан кейин қулоғимга шундай овоз келди:

"Уялмайсанми? Аллоҳ Таолонинг "Қачон ажаллари етса уни бирон соат кетга ҳам сура олмайдилар, илгари ҳам қила олмайдилар" ояти каримасига ишонмайсанми?  (Юнус сураси,49-оят) Ўзингга етарлича олимсан, бир қанча тафсир ва ҳадис китобларини ўқидинг, иймон дарахти кўнгил боғингда илдиз отиб мустаҳкам қарор топди.

"Ли-ийлаафи Қурайш" сурасини давомий ўқиб юрсанг ҳеч нарсадан қўрқмайсан. Ҳамда бу сирни кимга айтсанг уни ҳам ваҳима балосидан қутқарган бўласан".

Гўёки шу соатгача жонсиз эдиму бу овоз  қулоғимдан менга бир руҳ пуфлагандай бўлди. Титраб турган вужудимга янги жон киритди, васвасадан ҳеч бир асар қолмади. Овозни илҳом эканини тушуниб, йўл-йўлакай Қурайш сурасини ўқиб уйга қайтдим. Оиламга "Ли ийлаафи"ни доим ўқиб юришларини тайинладим. Қўрқув ва даҳшат аҳли оиламдан узоқ бўлганини кўргач, энди кимни учратсам, менга буюрилганидай бу сурани ўқиб юришларини маслаҳат бера бошладим. Алҳамдулиллаҳ, бу муборак сурани ўқиб юрганларнинг ҳеч бирида ваҳимадан асар қолмади.

Марям Осиё таржимаси

Манба: istiklal.com.tr

Мавзуга оид мақолалар
       Ҳазрат вафот этганларига ҳам мана ўн бир кун бўлди. Ўша кундан бери на ҳаловат, на хотиржамлик бор. Устозга бунчалик боғланиб қолганимни вафотларидан кейин давоми...

08:36 / 05.02.2017 6021
Олиб борилган изланишлар шуни кўрсатдики, PBDE моддаси, асосан, уйимиздаги жиҳозлар мебел, гилам, телевизор ва компьютерларда кўп учрар экан. Унинг овқат, қон ва она давоми...

20:55 / 28.12.2016 1470
Мен католик роҳибаси бўлиш учун ўқидим, кейин эса Исломни қабул қилдим «Ирена Ҳандоно Индонезияда Ислом динини қабул қилган янги мусулмонлардан. Бу давоми...

10:00 / 16.12.2019 1350
embedhttpswww.youtube.comwatchvZddUFH6JlQfeatureyoutu.beembed

08:28 / 01.06.2017 1230