Юр кетамиз!
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Эй бисоти кўнгил, бойлиги муҳаббат бўлган!

Эй борлиғи Ишқдан бино.

Эй кўзёшларида пайғамбар севгисини сиғдирган.

Юр, оёқларимизга тушов бўлаётган дунёни ташлаб кетамиз. Сен елканга ҳикмат озиғини ил, мен одоб ва тавозени қўйнимга жойлайин, юр, кетамиз!

Дунёдан ҳоли, ташвишлардан ҳоли бир манзилга бошла.

Эй ҳовучида ижобатини кутаётган дуолари бисёр дўст!

Эй кўҳна дунёдан ҳам қадимроқ барпо бўлган алмийсоқдаги жондошим!

Юр кетамиз!

Одам Ато ва Момо Ҳавво қиссаларидан сўзлаб бер менга.

Менга Иброҳим алайҳиссаломнинг Исмоил бўғзини кесмаган ханжарларидан гапир!

Марям онамизни дард тутганда суянган дарахтининг титроғидан сўз оч менга!

Муҳаммад алайҳиссалом билан сирлашган ғори Ҳиронинг тошларидан гапир! Аллоҳнинг расули тутган асодан, у зот кийган ковушнинг чангларидан сўзла менга, эй юзлари нурли дўст!

Эй руҳи руҳимга ёндошим!

Эй қалби қалбим билан сирдошим!

Эй кўзёши Ишққа қорилган!

Эй хоки туробим!

Юр, кетамиз!


Дилбар


T.me/muslimaatuz

Манба
Мавзуга оид мақолалар
   «Менинг энг нуфузли тарихий шахслар рўйхатимда Муҳаммаднинг биринчи ўринда туриши баъзи ўқувчиларни давоми...

17:20 / 25.09.2018 4384
httpswww.youtube.comwatchv1uyLrQwQC0Yampfeatureyoutu.be

12:10 / 18.12.2018 2545
embedhttpswww.youtube.comwatchvTnEIMYueCXk038featureyoutu.beembed

22:26 / 18.03.2015 26811
 Муҳаррам ойининг Ашуро, яъни ўнинчи кунида барча самовий динлар тарихида муҳим воқеалар бўлиб давоми...

22:05 / 21.09.2017 10580